Thursday, August 21, 2008

Santigwar

Mag patabi pirmi ta baka ka ma-ongman. Ini sarung bantog na linya nin mga gurang na nag tutubod sa mga dai nahihiling na nilalang arug kan maligno asin onglo. Mas bantog sinda bilang tawong lipod. An dangug ko, ang mga nilalang na ini gikan sa mga tawong dai nabindisyunan kan enot na panahon. An sabi man kan iba, mga nilalang daa ini na haloy nang nag-erok sa daga, enot pa sa tawo. Maray man daw an boot kan mga tawong lipod, alagad may kapangyarihan sindang magtau nin helang sa sisay man na nagkulog o bin may sala sainda. Kun iisipon mas sinsitibo pa sinda sa tawo. Madingkilan mo sana ang saindang hawak, tutubuan kana nin bayuko, o bin kulibra. Pwede ka man ninda pahilangon sa halawig na panahon, depende sa gabat na naguibong sala sainda. Alagad ugwa man nin maboot na Tawong lipod arug kan onglo na ang solong pasakit sa nakakulog gatol nin lawas. Kun bako man daa tag-basul, alagad ugwa ka nin butog sa hawak asin magatol, onglo daw an kaguibo kaan.

Wara daw na epekto an modernong medisina sa helang na gikan sa pagbalos nin tawong lipod. Alagad may mga residentes urog na sa kabaryuhan na tatau nin ritwal kontra sa siring na pasakit - mga para-santigwar. Sa Bacacay kadakul an bantog. Romdom ko pa an pupolar na para-santigwar sa baryo nin Gubat - Si tiyo Waning. Gamit an platong lusa, kandila, lana, asin krusipiyo, namumustra ni tiyo Waning an kawsa kan kamatean nin pasyente. Bako lang iyan, nakipag-suntokan pa sya sa tawong lipod. I-agyat nya ining tawong dai nahihiling pag-habong bawion an kamatean nin sarung pasyente. Gari bga maray-rahay na mag-butla sa kastahan na ini.Daug pa kani an laban kan sikat na boksingerong c Manny Pacquiao. Dai mo ugaring mailing kun csay an talagang daug. Masabi na sana si Tiyo Waning plakda an kalaban. Boot sabihon padagos na an pagrahay nin helang.



Kadakul pa an para santigwar sa Bacacay na sakong naduman ta c May uya an pagtubod sainda. Nasantigwar ako ni Shoni kan ako nakursunadahan nin tawong lipod. Dai ko ngani gusto an ideya na tig tawan ako ki helang samantalang kursonada daa palan ako. Kaginhawahan kaya an sakong tigtau sa tawong kursonada ko. Baliktad man palan mag isip an mga tawong lipod. Gari gubot an hutok.

Pinakapupolar man guiraray na parasantigwar c Tiya nelly kan Bonga. An dangug ko, tig dadayo na sya kan mga mayaman na dai nararahay sa doktor. Dakul an napaparahay ni Tya Nelly kaya dakul saiya an nagdodonar nin palain-lain. Romdom ko kan ako sadit pa, payag payag pa an puwesto nya. Alagad dahil sa tibay nyang mag-bulong, konkreto asin pintado na an saiyang harung. Maray na para-bulong ini c tya Nelly nin huli dai sya nag sisingil. KUn mawot mong mag tau nin sintabo, malaag ka sa altar kan Mahal na Ina.

Diit lng na pasabot. Dai ko man tabi tig indorso an santigwar. Dai ko man mawot na magtubod kamu sa lumang sistema nin pag-bulong. Solong mawot ko sana ihiras saindo na sa Bacacay, siring sa ibang banwaan, kadakol an mga bagay na sakong nagimatan. Alagad wara man gayud na maraot, kun pirmi magpatabi; nagtutubod ka man sa tawong lipod o dai. An pagpatabi tanda nin pag galang. Sarung eksprecion na Bacacaynun na dai dapat mapara.
Tabi man, ako mapaaram na!

19 comments:

Unknown said...

may aram man akong sarong klase nin daeng kurokarigos na maligno o tawong lipod na daeng herak na mina-pasakit sa tawo, an apod sainda iyu an bugsok na maligno, naglalakaw daa ini bugsok - sa taas an bitis mantang an kamot an nagmamaniobra sa paglakad na hayuff an. pag nadingkilan mo daa ini, isaring an biktima sagkod na mabua. Kaya pag tigbulong via santigwar ini, haloy an proseso ta minasuway nanggad an tarantadang malignong ini,dae itugot an biktima. Kaya an solong bulong igadan an biktima ngani sna pumundo na atake kan bugsok na tawong lifod na ini nyhahahahaha

dex said...

Ako dai nakakalingaw magpatabi lalo na kung maagi sa masaguso ta difisil na baka makursunadahan kita kang tawong lipod. Ang huring beses ako pinasantigwar kan ako sadit pa. Ito bagang tigsasabing 'x-ray sa plato' haha. Herak ki Dios dai pa man ako na-onglo, dai man lugod.

lyn said...

pinasantigwaran man ako kaito ni ma, kan bigla na sana daa akong uminitom. pero daeng epekto... sabi kang nagsantigwar, nabuhusan ko daa pano ki aspalto su tawong lipod kaya eu mn tiggibo nya sako. hanggan ngonian dae pa ki nakakabulong sako. purbaran ko daw si tya nelly.

Ryan Baliza said...

hahaha... maka-ulok palan an karanasan nindo sa mga tawong lipod. Hapot ko lang, nata man daw panu dai minalikay ang mga nilalang na ini, aram nang dai ta sinda nahihiling...

Maray ngani ta barato lng an santigwar... Alagad magpatabi man guilayon.. hehehehe TABI

- maida - said...

hahaha! mga hanep kamo...pero napaulok talaga ako sa post mo bakla pati sa mga comments lalo na kay lyn...

badtrip na ako poon pa kasubagong aga, poon pa sana sa FX na sinakayan ko...hanggang pag abot digdi sa office...hanggang pagpangudto ko...

maray ngani may mga tawong arog nindo ta matibayon magpaulok...hehe...

ako man pinasantigwaran man kaito ni mama ta dai na daw ako nagtalubo poon grade five...sabi kan nagasantigwar, nakati-mak daw ako duwende sa eskwelahan mi habang nagakawat...kaya ngunyan, aram ko na kung nata ako dai na nag halangkaw asin nagapatabi na man ako pirmi kung naga-agi ako sa madiklom...harharhar...pero sa madiklom na kwarto buda may kaiba, iba man ang piga-patabian ko...hahahaha

lyn said...

pag nag irinom kita ipapahiling ko saindo kung pano maaraman an naka ungman sa mga tawong nagdadakula an tulak. su gagamiton ko sana pitsel tsaka yelo. promise! kaya dapat magmaramam na kita after sweldo para maaraman na nindo!

dex said...

Ano man nanggad ang hitsura kang onglo?

Ryan Baliza said...

dai ta man dex maaaraman ang itsura kan onglo... pero sabi kan para-santigwar kapandok daa ni bruno, so dating writer man baga.

ang bulong sa na-unglo rapas kan buhok. pero kun kalbo ka suagon mo na sana. makaraw ang onglo minsan ta sa private part an tira nya... maray-rahay pagkagawon... hahaha....

c lyn palan tatau man magsantigwar.. moderno ugaring an gamit.. yelo buda pitsel.. gari aram ko na an mahahaman kaan.. hahaha

Phoebe said...

Aw ang mga hanep n ini ta kaliga kang mga agi-agi sa tawong lipod asin sa santigwar. aw sige daw ta ako man ngaya mabirada..

kan ako man kato pinirigsa, su lugad baga na may kulabot na mananaon, sabi kang ina kang inot kung agom, magpasantigwar daa ako t malaen n. ika man dw pigsahon sa bitis, sa may tuhod, sa may yukyok, buda sa tahaw kang duwang bulod-bulod s taas, syempre malaen n mananggad. aysus n kulog tlga kang mga pigsa ko, bta nangangaki t kada mapila su saro, may mabutwa nmn na saro, naga-ibot ibot pti pag dai nakakaluwas ang nana. kaya sige maski dai ako ngtutubod s uru-exrey n an sa plato, ngsunod n sna ako kaysa man lumala p mga kapigsahan ko.

ang sabi kang parasantigwar, duman daa ako nakarawan sa may gripo arani sa harong kang lolo kang dati kong agom. bata ang harong kato arani sa matibo ta taga-victory baya, dyan baga sa may buru-boulevard sa legazpi. su tawong lipod daa nakupsitan ko, pano man su hose n nakakabit duman medyo lapa n, kya may parte na naga-kupsit. kaya binalos man ako ki matubig-tubig, mala ito na palan su nana kang pigsa ko.

sangkaterba talaga su pigsa ko kato, bsta ang ultimo su buminutwa sa may mata ko. sabi n sna baya kang maestra ko kato sa Rizal n subject, ay Phoebe umuli k n sna daw ta gari malaen na ubag kang mata mo. ika man daw, su saro burarat, su saro pikit tapos naaaninag na su nana sa laog. di sige ruminampa mn ako pauli tapos nagruab pasiring sa Hindi, diyan sa bacacay. sabi duman nakarawan daa talga ako. may orasyones sna na ginibo nimo tapos paguli ko kinahapunan, nagbuswang n sna su ubag sa mata ko. ay sabihon ko sa indo, maginhawahon s pagmati kang buminurulos su nana, gari bga su pagmati pag ali ako kay tiyo doro. wahahaha..

haaay, iyan tabi ang agi-agi ko sa santigwar asin sa tawong lipod, or mas maray siguro sabihon n su agi-agi ko sa pigsa. nyahahaha...

dex said...

@ryan sisay na nganing bruno iyan? haha

Sabi kang mga gurang samo dai daa magpara ihi-ihi sa kung sain sana, ta baka daa madagit su tawong lipod ibalyo sa angog ang dara-dara mo. Yugon ka kaan. hahaha

@phoebe malala man ang inagihan mo palan sa tawong lipod na an. hahaha.

Ryan Baliza said...

grabe palan an tinios mo bhem sa tawong lipod... mga hayup sinda.. pumahiling sana an ta latob-latobon ta... hahahaha

Owenskie said...

iyo talaga Ryan tama ka...maski kato pa talaga kang sadit pa ako kahaloy ko naman na tigpapara apot ang sadiri ko kang mga tawong lipod na an...sinda so dai ta nahihiling nata daw ta dai na sana sinda minarilikay sato para dai ta man baga sinda na iihian o nalutaban. arog kato sa sorsogon, pina santigwaran ako ta natirisan ko daa sarong aki ki tawong lipod. aw ta biyo baga nangamatis an sakong ikinabuhay. Patawara! gari baga imported na tomato tiga gamit kang hunts na kumpanya

Ryan Baliza said...

sa ym ko na lng dex itaram kun csay c bruno ta baka mabasa nya ining blog ko masupog man. hahaha.. bata online man minsan ang onlong ito.. hahaha... baka ma-ongman kita... dai na pwedeng mabawi maski mag-tulod ki gunakan.. hahahaha

Ryan Baliza said...

keynotes, sigurado kang tawong lipod ang kaguibo kan pag hubag kan kwan mo? Baka bagu ka lng kaitong tatakun kaya nangamatis.. hehehe

pero dapat dai mo na ipinabulong.. ikahabo mo an dakula c manoy... u should have let the swelling remain forever.. hahahaha

Raziel Siaton said...

Lintian na ulok ko digdi! Kaya ako pag nag turagoy sa may maawot duman kina Dex nagpatabi talaga ako ta bata mabotong duman. Baad maihian ko tikbalang, karawan su tilapya ni manay, badusan pa ako.

NYAHAHAHA!

Next time tabi manoy, post naman about sa sibang ha.

NYAHAHAHA!

dex said...

@raziella Maray sana ta dai ka nakursunadahan kang tikbalang. Dinara ka duman sa may marurugi. hahaha

Raziel Siaton said...

ayjuzko dex, imaginon mo na sana ang size kang tikbalang. baka dai ko kayanon!

bwahahaha!

Jude said...

hanep sana! ibang klase ka talaga ry. yugon mo an, bako ka sana hararum magbikol, lang-liga pa kang mga ideya mo. buhay na buhay ang mga tawong lipod sa pagsabi mo kan saindang itsura, lalo na su tigasabi ni wats. maray sana ta dae ta sinda nagkakairiling ta kng iyo, bako na sinda tawong lipod. alagad, pano nindo naaaraman ang mga itsura ninda kng dae man sinda naiiling? eheh. siring man san mga katukduan kang mga gurang mo, ako minapatabi man pag nagbabaribi sa kng saen saen. pero kng malason man na mapanglingaw, santigwar ning gayud ang solong bulong.Ü

raving mad said...

Buhay pa po ba tabi sagkod ngonian si tiya nelly? Kan aki ako siya lang nakaparahay sako. Gusto ko magduman ulit ta may namanatean ako na dai masabi kan mga eksperto. Salamat tabi.