an aldaw kinaun nin dampog, madiklom ang kalangitan
boses nin higante dagit sa kapalibutan
dalugdog ang apod, kinakatakutan
ta ika pusu-anun, nagluwas nin harong
hinuba an kalson, maugmang nag dalagan
sa tahaw nin tinampo ika nagkurahaw
nag apod nin uran, suminayaw
dai nag haloy, simong hagad inonra
luha nin langit tuminagdo, ruminuso
isug nin kikilat, dai tig mangno
sa labing kaugmahan, ika napa lukso
ako nainggit nin gayo, ika inibahan
gisi an kalson, sa uran inabot nin udto
ta ako nakabuhi daug pa ang priso
sa may biriran nadasmag, aray sawod ko
uyan na si amang aldaw, pauli na ako
maski rungas an tuhod, sa dalan ulok
uran nin enero, hahanap hanapon ko
3 comments:
dae mo na paghanapun an uran amigo; ta kun hale ka sa trabaho; otso oras na daeng abaho; pagkuminasta ka ki pag salud kan luha nin langit, an abot mo pasma na nag aaratihit! hahahahahaha DA BEST KA BAKZ
ining rawit dawit mo sobrang maka ogma
gare an kulang na lang kaini ay ritmo asin nota;
rumdum ko man kan ako sadit pa
sa mkusog na uran ako man nag durudalagan
hubang plos wra pakiaram
makamundu ta ngunyn dae na pwede
ta baad mararaot na boot kita maremate
bwahahahah
pwerte baga ining rawit dawit mo eheheh
maurag an saimong rawit-dawit!
Post a Comment